慶祝萬聖節

今年萬聖節放假, 又咁Q亞爸比了張都會海逸酒店(紅磡)免費兩人自助餐卷我, 梗係選個日去啦! 去到酒店,第一時間留意下個度ge甜品, 樣就OK, 不過大多數好甜 (都吾知點解都係好睇吾好食?) 我真係希望會可以食到一間酒店ge甜品係好好味ga, 你地有無好介紹呢?

公司一日遊

有時係忙碌的工作下, 偶然relax下, 吸下新鮮的空氣, 真係好舒服

每年公司都會有津貼比我地參加遊船河or本地一天遊, 而今年我個隊選擇了本地一天遊。雖然我個隊大約有50人, 不個都係得十零個參加, 加埋家屬都係得26個 (諸士丁都有陪我去)。經過一輪決定, 目的地係我地平時都去到的大尾篤。因為個團有老人家, 大肚婆, 小朋友, 由原本要行山同石級的一段, 都改行船灣淡水湖提霸罷了。 行了差不多一小時, 我地就BBQ喇! 不過個日天氣非常熱, 令到我地勁流汗, 睇怕出年都無人去lu。

同事的生日晚餐

頭盤 (妃露皮焗蟹肉帶 子包)

頭盤 (蜜糖香草醃三文魚柳 沙律)

頭盤 (焗美國珍寶蠔)

頭盤 (燴羊腿柚子沙律)

頭盤 (芒果蝦沙律)

頭盤 (巴馬火腿沙律 水晶卷)

頭盤 (巴西式釀蟹蓋)

今日補祝同事兼好姊妹Joey生日, 我地去了諾士拂台"森巴"食晚餐。呢度ge晚餐有好多款選擇, size亦吾係以大中細做決定,反而係用"水晶, 鑽石, 嘉年華"。好似水晶咁係包3個頭盤,一個主菜, 一個甜品; 鑽石係包2個頭盤, 2個主菜, 一個甜品, 而嘉年華係3個頭盤, 3個主菜,一個甜品。每個都會包餐包, 湯同飲品, 價錢都係由$148起, 相當超值。我愛食,但都係選水晶, 因為已經足夠呢! 因為有人生日,仲即場食到 "焗火焰雪山" (生日蛋糕), yummy yummy!!

同事的生日晚餐 (延續篇)

焗火焰雪山

巴西芝士包 (好味過麵包店)

龍蝦湯

主菜 (香茜燒美國黑豬)

主菜 (海龍皇龍蝦伴墨汁麵)

甜品 (cheese cake)

甜品 (特濃朱古力)

甜品 (法式焦糖布甸)

點睇? 在乎你去點諗!

今日同事去完歐洲旅行, 買了很多朱古力返黎, 當張臺放滿了種種朱古力時, 我忍吾住影了張相, 但竟然有同事睇完張相話: 咁多"避孕套" ge? 其實每樣野, 在乎你點睇, 可能佢根本就知係朱古力,但為了引起我地開心地笑, 就諗呢個答案出黎。所以, 我地吾應該太執著呢喃!

閉關修練

本人因
閉關修練
至
十一月8號

暫不會有任何更新

敬請原諒

黎緊8號要考三級鋼琴試! 近日要勤於練習, 暫時都吾會整包/cake。不過我考完試定會再繼續。

中秋節快樂

大少收到很多款燈籠

有好多美食, 更加吾少得自己同朋友整ge月餅

大少話大個仔啦, 要試下自己切月餅

呢個係大少切出黎的, 切得幾好ga

今年中秋節係我屋企過，更邀請孖妹的嫂嫂來一齊食亞媽煮的手勢。當然有吾少得ge荷葉包雞, 三點蟹, 豉油皇蝦 及其他飯菜。

媽媽的荷葉包雞翼

媽媽最近睇書學整荷葉包雞翼, 今日試整出黎, 實在太好味啦! 睇下大少食到....佢食了六只咁多。所以話同亞媽住好過請工人, 就連大少都吾肯放婆婆走
p.s. 我亞媽煮中菜一流ga,有邊個想試下呢?

媽媽的50大壽

係乜? 似茶葉

變了燈籠?

其實係奶黃月餅

雖然尋日參加完DIY暨國慶大敘會, 零晨2點先訓。但由於亞媽今日牛一, 都要整下作品比佢。上次經師父亞堅指點下,學了呢款壽包。朝早相約奶奶, 姑奶...同亞媽去飲茶後, 就返屋企整壽包啦! 整好後, 亞媽話就算吾好味, 個樣都睇得；因為吾敢整太多, 攪到個大包吾夠拱, 要搵師父再學下野先得, 皆因下個月輪到奶奶生日。

晚上就join埋細佬同細妹同亞媽一齊慶祝, 去食佢至愛的小籠包(佢一個人都食了5個)。細佬仲送了一盒佢公司 (朗豪坊明閣) 的月餅比我 (咁耐以黎都係第一次喳)。個包裝好特別, 做裝飾都好睇。

2006年DIY暨國慶大敘會

今年的國慶, 相信係咁多年黎最開心ga。我地一班愛整餅之友(20幾個), 去其中一個包友(亞堅) 西貢ge屋企到, 開了一個超級大食會，每人都要預備一款/兩款食物。個party由中午開始，食完再整, 整完再食, 簡直無得抖 (個肚)。我之前一晚都整了MRS. FIELD COOKIES, 加上係party中段, 整了桂花果凍比大家食。個日我要返早 (0715-1515),不過好彩放到半更。不過返到公司, 真係"返工等收工"呢 ^_^

個party好成功,因為大家都好合作,大家夾手夾腳,好有默契。就連DIY編輯大人 (Tracy靚女) 都有去呢! 各人帶去ge食物,有d都食不完,於是我地就互相change,拿返屋企品嚐。 大敘會終於係良好,warm.開心, 依依不捨的氣氛下結束了。臨走時亞堅仲比了每人一個冰皮月餅(獨立包裝,超靚)及一個超級好味的包; 而編輯大人都有紀念品送給我們呢! (走時都晚上10點幾lu)。好期待下一次敘會快d黎!!!

綠萼同井底蛙更即時整了個熱情果雪芳比我地分享,當然我地偷到師啦!不過,就因為太好味,當大家食緊這個雪芳時,我同donald哥係另一到陪緊小爾雅。突然,小三衝入黎話 : 你地仲吾出去食cake,無啦...於是我同donald哥就趕去,點知真係無lu。我地梗係吾會放過品嚐ge機會,就係亞moon準備放佢個雪芳入口時,我地要佢分了2/3比我地。哈哈! 真係好野無得留低 ^_^

1)編輯大人 (Tracy)--shepherd's pie

2)小三--涼拌小食

3) achan--鹵水雞翼,鴨舌,雞腎

4)為食貓--豆漿

5)井底蛙--泰式咖哩牛腩

6)烏龍院--茶葉蛋

7)maymok--芝士煙肉蛋批,豬肉乾

8)donald哥--金沙骨,馬豆糕

9)綠萼--Focaccia,cookies,月餅

10)藍藍--scone, 裸麥包

11)A_moon--Classic tiramisu ,雪芳

12)亞堅--鮮果沙律一大盤, 葡萄種無花果包包

13)八八--Mrs. Fields Cookies (我)

14)CandyTsui--American Cheese Cake

15)ritytcyc--醉雞翼, 燻魚

16)sweet-tooth-藍莓mousse cake

17)vanlily--字母包 (我個個有八八字樣)

18)martina--叉燒

19)布霖仔--上海雲吞

20)零1234--珠光寶氣 (chocolate cake)

21)[[Ling┘"--肉醬意粉

22)On_On--醉鴨舌

23)為食朋友--泰式鳳爪

24)金三珣--特濃朱古力,糖漬檸檬

25)琼琼--潮式蘿蔔榚

仲有即席示範的:-

winnie--好豉粥, 亞moon--Classic tiramisu, 阿堅--tiramisu手指餅, 綠萼及井底蛙--香草芝士卷及熱情果雪芳, Taisi (亞堅husband) 燒牛柳伴雜野菌汁, 焗日本南瓜, 南乳燒雞翼