我要搬家了

各方朋友:

我搵到另一居所去收留我這個麻煩人, 大家不妨去參觀下我的新住宅 ^_^


http://hk.myblog.yahoo.com/angela-88

DIY團拜日 (2007-02-20 初三)

估吾到又到農曆年啦! 係米好miss 對上個兩次的敘會呢? 上次有事去吾到, 又或者去完又想再去的DIY友們, 吾緊要。為了滿足你地三個願望 (1. Diy再次敘會 2. 再見識亞堅同其他DIY友們的surprise 3. 派利是同逗利是的滋味)，亞堅誠意再次邀請我地去佢個工場進行團拜。當然日子梗係由主人家決定, 而今次因為不是BBQ, 都可以帶伴侶一齊分享這個喜悅。因為場地問題, 人數到咁上下會被截, 快D報名啦!

日期: 2007-02-20 (初三)
時間: 1300-1800 (假如想逗留到夜d, 食埋晚餐兼宵夜, 就請講埋, 因主人家要預備食物)
地點: 西貢大涌口村 (藍色大門為大家而開)
食物: 每一預備一樣食物 (但不可在這裡講, 因為要給大家一個superise)

記得重有樣野要帶: 梗係利是啦! (我可吾可以代大少收呢 ^_^)

我抽到的christmas gift

邊份會係我?

吾駛自己動手lu

這就係我在party的貢獻啦

23/12 參加細哥的Home x'mas party, 以BBQ為主, 當然離不開禮物抽獎啦! 每人買一份$50-$100的gift (吾買梗係無得抽); 我媽媽都有去, 仲抽到我買個份禮物。大少未到boxing day已經打開晒d禮物呢! 不過佢今年係收到最多聖誕禮物的一年啊!

預祝各位聖誕快樂, 新年進步

隨便揀份啦, 吾駛客氣 ^_^

有d未影相已經送出了

這特別d係送給妹妹 (佢最愛的粉紅色)

一年一度的聖誕節又到啦! 如果大家有留意我個blog, 都知去年我親手整左幾幅十字繡畫比我奶奶....老公的屋企人。今年我已經親手織了十幾條圍巾比佢地, 會打算係明晚做冬時送比佢地 (有d已經送出了)。當然媽媽, 細妹, 大少都有啦！不過, 今年最開心都係大少, 你地睇下佢d聖誕禮物 (有一份係諸士丁買比我, 一份梗係我買返比佢啦), 大少仲等吾切到26號, 已經撕開了其中一份。 Hehe! 其實我都好想靜雞雞睇下我個份係乜?

冬至快樂

祝大家冬至快樂, 身體健康

我至愛的白切雞

姑姐送給我的鮑魚 (係澳洲買)

清蒸三點蟹

辣酒煮花螺

古魯肉

今日屋企提早做冬, 因為正日個日我要返奶奶到。當然梗係由媽媽煮佢ge拿手菜啦! 不過因為就吾到其他屋企人, 最後得我, 諸士丁, 大少同爸爸媽媽食, 真的是簡簡單單的一餐飯。

薑餅人+ 聖誕樹頭蛋糕

紅棗杞子蒸雞翼

簡簡單單都幾好ga

漏了個牌忘記加上去

仲有朱古力慕絲

有d裝飾係大少同candy個細佬整, 最底個8個係我ge傑作 (因為大家都趕時間, 無心機畫)

今晚見有時間, 叫了vanlily同candy tsui去我到整薑餅人+ 聖誕樹頭蛋糕。 原本約好佢地1800到, 但vanlily似仲迷失係東京中, 竟然迷了路。結果食完我整ge晚餐 (由我預備的 紅棗杞子蒸雞翼, 吞拿魚蟹柳火腿意大利粉, 番茄薯仔紅蘿蔔字母湯) 都成1930, 幸好都叫做"做多過講,很快地完成 (不過都就時都2345)。

朋友的拌手禮

收到很多禮物呢 ^_^

這是? 係金泊

簡簡單單的christmas 裝飾, 顯得清晰

這是給大少的禮物

這是我的生日禮物, 但點用好呢?

一位朋友去完日本, 很有心地送給我拌手禮, 再者加埋兩份我同大少的生日禮物,實在感動。

大少學校旅行

今日又係大少學校一年一度ge旅行; 記得上年佢去大埔海濱公園, 當時我仲要返完通宵, 直接陪佢去。今年去荔枝角公園, 但因為原本要返工, 都要請假陪佢。到出年, 佢升上三年班後, 就無了親子旅行, 所以今日係咁ge天氣下, 都陪佢去。

廿五結婚週年紀念

主人家仲送出一面金牌比我地抽獎 (可惜係十幾人中, 我不是那個幸運兒呢 =.=)

真係好似去飲結婚酒咁, 連小禮物都有

你地估係乜 ?

個底係雞蛋白, 面係龍蝦肉黎ga (我仲以為 龍蝦裡仲有肉, 原來係得個殼) ^_^

廿五結婚週年紀念....未有耐到我; 其實係一位共事超過十年的其中一位女同事, 同佢蝦子餅結婚廿五週年紀念。佢地當年廿十結婚週年紀念已經請我地去食晚飯, 今年適逢廿五週年, 我地又有口福lu。今次佢地係旺角利苑設兩圍, 由第一味到最尾個款糖水, 都很美味, 令人齒夾留香, 尤其個翅, 令我引不住都要再食多碗，最後更連壽包都要打包返去比大少食 (其實因為個個都已經很FULL, 先可以有得打包喳)。 我都希望我同諸士丁可以好似佢地咁長久, 咁恩愛。

廿五結婚週年紀念 (延續篇)

"蟹黃翅 " 我第一個食晒, 可以再食多碗, 哈哈 !

炸帶子, 個皮好薄, 感覺吾漏。其實係兩粒孖住ga, 幾有意頭 "代表不離不棄"呢!

雖然無乜特別,但個look已經夠OK啦

呢個叫 "度庭麵" 喎! 係扁左ge烏冬, 用龍蝦做湯底ga

咁靚ge壽包, 梗係吾係我整ga啦

木瓜紅棗雪耳糖水, 認真夠滋潤

補祝生日的晚餐

最吸引係這甜品 (最底係特濃朱古力蛋糕, 面再加兩球超軟雪糕 $82)

4合1對拼拼對 (有炸洋蔥圈、炸雞翼、炸芝士西蘭花，炸蝦仁)

比起意X屋, 呢到好味好多

有三個好姊妹都係11,12月生日 (26/11, 29/11, 09/12--包括自己), 適逢另一位姊妹岩岩生完小B女 ( (契女) , 唯有等埋佢滿月先同地三個慶祝；今日終於可以約埋一齊出黎食飯啦! 我地選擇了九龍灣德福ge "Ruby Tuesday, 皆因個到d食物OK, 環境又適合, 起碼契女無扭計先。個沙律係沙律吧自己"畢" 等一次機會喳, 梗係多d啦! 我地最欣賞係個焗牛肉千曾闊麵 (食完先記得無影相) 及甜品 "特濃朱古力" (好大杯ga) 。六個女士食到好full, 都係六伯幾蚊, 真係值得一試ga。^_^

兒時的零食

記得細個讀書個陣時 (應該係小學lu) , 最鐘意返學前靜雞雞去學校附近間士多買野食; 個陣時都係幾毫子就得, 而家....真係人又老啦, 物價指數又高。 不過咁, 亞媽話而家d人做野ge人工都多d啦! 我就話係因為d人要求高左

媽媽至愛的藍莓鬆餅

有日經過Mrs. xxxxx cookies, 媽媽想食鬆餅, 問我識吾識整, 叫我整比佢食。從前媽媽係吾會問我呢d問題, 因為佢同小三ge爸爸媽媽一樣, 吾鐘意我成日用焗爐, 怕熱氣喎! 但自從佢黎住之後, 慢慢地融入我的生活,已經無再制止我。 但我盡可能都係趁佢吾係到先焗, 正所謂令比人知, 莫比人見。只係留返d製成品比佢。今日整了媽媽至愛的藍莓鬆餅, 不過個火大了d, 希望佢吾好介意啦!

為奶奶而做的壽包

今次用豆沙做饀, 而且每個都又1/4蛋黃ga

未dup豬仔前個樣

加印後個真面目

其實整呢個壽包, 真係煩了亞堅很多次ga, 真係吾好意思啦!下次我學野會比心機ga啦, 吾會只掛住做攝影師 ^_^

其實我的農曆生日係同我奶奶同一日ga, 可能因為咁, 我同我個奶奶感情好好ga。農曆生日是係下個星期三, 今日聯同屋企人提早同佢去酒樓慶祝。我知佢老人家吾係咁鐘意食蛋糕, 所以我就整壽包, 祝佢長壽。我係跟亞堅個recipe整ga (多謝晒亞堅), 皆因上次整比亞媽ge壽包吾係好得, 今次已經係數日前試整, 免得又吾成功。

我又老一歲啦!

晚上去了卡拉OK慶祝

lunch諸士丁同我去熊貓酒店 (荃灣悅來酒店) 飲茶

我地等埋大少放學先一齊切生日蛋糕, 很溫馨

(佢梗係又唱生日歌比我聽啦)

呢個都係諸士丁送ge生日蛋糕

其中一位同事兼好姊妹送ge八達通手表

今日係我牛一呀! 又老一歲 =.= 今年因為係weekday, 大少要返學, 幸好諸士丁取了日假陪我! 我地同去年一樣, 同堂細佬及堂弟婦一齊慶祝 (因為堂細佬係同我同月同日生日)。我地選擇去卡拉OK, 其實我同諸士丁未試個一齊去卡拉OK ga, 就算一group人都無。今日終於有機會聽到, 原來都很好聽ga ^_^ 今年仲比去年收得梗多禮物, 當然吾少得諸士丁, 奶奶, 爸爸, 媽媽封ge利是啦! 真係多謝晒!!!

今年收到的生日禮物 (1)

諸士丁送的生日蛋糕, 呢個係吾食得ge

同事兼好姊妹送ge其中一份生日禮物

朋友送的香薰

好朋友媽媽送的茶具 (請再次代我道謝)

小三送給我的班蘭戚風蛋糕

今年收到的生日禮物 (2)

另一班同事送ge...我至愛的雞蛋糕模

同事送的生日蛋糕

同事送的耳環

老公家姐送的情侶杯

追上潮流

究竟係幾時開始有天然酵母呢? 今日經過A1見到有好幾多吾同款ge麵包, 其中一款係自家製天然酵母。當然我覺得亞堅個d好味d啦! 之後經過citysuper, 見到個哈密瓜, 但細細個都賣成 $438, 吾通真係咁好味 ? 講真, 我吾捨得囉! 因為實在太貴。你地又會吾會捨得食呢 ?會ge下次買了留返一口比我喎!

諸事丁牛一

今日係諸事丁牛一 (舊曆生日, 新曆係14/11), 要返奶奶到食飯。奶奶話要買個生日蛋糕....吾係哇, 買生日蛋糕, 呢個梗係我做ga啦! 最後整了個麻麻地ge鮮果忌廉生日蛋糕, 因為用了8" 材料放入9"模, 整到個海綿蛋糕好扁呢!

今日大少大一歲啦!

去了一間新開的日本麵店, 不過麻麻地

青衣成已很有聖誕氣氛

希望第日佢大了都會攬實我影相啦

飯後梗係要去佢至愛的地方--冒險樂園

今日係大少7歲生日, 真係吾經覺, 而家已經有自己思想, 自己的選擇; 因為今日吾係weekend, 我地等豬士丁放工後係青衣城食飯。

送給好朋友兼同事的生日蛋糕

下個星期四 (30/11) 係我個好朋友兼同事的生日, 但因為見多佢兩日, 佢就放大假去旅行, 唯有提早送個佢至愛ge生日蛋糕比佢啦! 希望佢生日快樂, 心想事成, 玩得開心d啦!

這是焗藍莓芝士蛋糕

第一個契女出世啦

契仔已經有啦, 終於比我等到個契女呀! 我ge好同事兼好姊妹生左個好可愛ge女女呀! (佢係我ge契女黎ga) 今日我地一大班同事拉大隊去佢屋企食薑兼睇BB女, 佢個樣好Q, 好精靈, 似足佢亞媽 (我係指個樣)。老人家話如果d薑辣, 就表示個BB好難教, 其實係米ga? 大少出世個陣, d薑都係辣 (我係覺得大少牛王, 但都聽話ge)。之後, 我地有d就一齊去apm食晚飯 (講個秘密你知, 其實我係第一次去apm, 有個同事竟然吾信)

終於成功啦 .....

尋根究底, 大家都有吾同ge意見:
1)係米舊薑吾夠老?
2)係米奶溫度吾岩?
3)係米撞得吾夠高?
4)係米買錯奶?
終於另一個意見係....係米兩盒奶一齊太多?其實答案未confirm, 不過我今日就再試過, 方法一樣但用一盒奶, 終於成功啦-------薑汁撞奶

再次多謝亞堅剛才的support......."再試過啦!"

大少的生日party (篇幅1)

姨婆 (我亞姨) 親手做的陶泥畫

收到很多禮物呢

估下另一個係邊個? 米就係Candy的細佬, 佢地好岩傾ga

過幾日係大少ge生日 (7歲啦), 為佢提早開個生日會, 特別鳴謝donald哥一家三口, vanlily, 霖霖, 零1234, 肥妹仔, candy同佢個細佬, 我阿姨, 仲有去完米埔行山都趕黎的烏龍院及其四哥。有咁多識整野食ge包友們, 又點少得美食呢!鹵水雞翼, 鹵水蛋, 茄汁腸, 低脂芝士火腿三文治, 沙律, 冬瓜伴海哲頭, 咖哩角, 美式燒烤骨, 自製白汁闊麵; 當然吾少得我ge為大少整ge生日蛋糕 (不過有d問題出現了, 想知請繼續看下去)醫好個肚, 梗係再即時整野食啦!

1)先整Swiss Roll

2)再整薑汁撞奶 (想知成吾成功, 看內文啦)

3)後整orange Souffle

大少的生日party (篇幅3)

zero整: 沙律

生日蛋糕係士多卑梨乳酪芝士蛋糕;

雖然個recipe係做過 (當時係跟個friend整), 但今次要整9吋size, 魚膠粉分量不足之餘又吾勻, 教到個cake向下陷, 令個面歸列, 真係失禮 =.= 幸好主角話好好味 (梗係啦, 佢乜焗ge蛋糕都吾可以食喎!而家有得食仲好過無得食 )

Swiss roll

薑汁撞奶 你地估成吾成功? 答案係: 跟足個step, 都吾知點解吾得?

Orange Souffle -->>

第一盤比較無咁好,因為未觸摸到個爐溫; 其實已經將個溫度調低20度, 都係猛得躋

第二盤將個溫度降低至total 30度, 口感同個樣都吾同

大少的生日party (篇幅2)

Vanlily整的 美式燒烤骨 (未焗前)

肥妹仔的咖哩角

我整的鹵水雞翼

我整的鹵水蛋

我整的茄汁腸

Candy自整的白汁煙肉闊麵 (未煮前)

煮好後

提早收生日禮物

大少距離生日仲有一個星期 (24/11) , 不過已經收到生日禮物lu。今日佢亞姨 (即我個妹) 專登黎送上禮物; 當然吾少得今期至hit的 "軍曹" 啦! 未有軍曹前, 佢同我一樣係 "winnie the pooh" 迷, 不過而家佢已經見異遷思, 希望大個仔揀女朋友吾好係咁就得 ^_^

(我諗如果可以, 佢有可能揀另外一個媽媽, 因為佢開始嫌我成日"娥" 佢囉!)

第一次......

打邊爐.....當然大少吾係第一次打邊爐; 不過係佢第一次自己可以漉野食, 佢真係好開心ga, 你睇佢幾enjoy就知啦! 攬住個飽飽肚離開張臺呢!

超濃綠茶芝士蛋糕

好耐都無整過蛋糕啦! 整了這個
綠茶芝士蛋糕, 但諸士丁說話
比較濃 (綠茶)。 幸好佢都愛綠茶, 不然這個蛋糕都吾知點算 =.=

海洋公園之遊

公司有免費會員海洋公園入場卷一張, 家屬都只收購$100, 小童$50, 不過係夜場兼指定11/11。個日咁Q我放假, 我地一家三口梗係有去啦! 最初我地先去睇熊貓, 好多人去過都話未必睇到, 因為佢地未必出黎, 但今次我地都慶幸能見到安安, 佳佳, 佢比兩年前 (我地兩年前去過) 大了好多。之後就係附近玩灘位遊戲, 大少見到咁幾多軍曹, 梗係想據為己有, 不過最終都係得三個細公仔。跟住我地坐吊車上山上面 (不過大少竟然驚到震, 回程個轉就好好多) 去拿飯盒 (每人包一個熱狗, 4只雞翼, 半條粟米, 一盒檸檬茶)。跟住梗係要去睇水母啦! 起初大少都好興奮, 但後來見其實個個都差吾多, 佢就開始催我地走。 後來, 我地去睇海豚同海獅表演 (加開特別場), 最後去埋兒童王國就離去。

出關後ge第一樣作品 (薑汁燉蛋)

今晚同大少, 諸士丁去海洋公園 (因為公司有免費飛),順便可以當係考試後relax下。 其實大家都好期待我出關後應該會第一時間整d作品, 但吾知係米因為掉低了一段時間, 竟然提吾起勁。今次都係因為大少想食燉蛋,先至整。不過我開始都有d似亞moon同烏龍院....燉完出黎, 大少食完第一淡就問 :媽媽點解無味ge, 只係得d薑味 =.= ? 我先發覺完來吾記得落糖; 最後我地就好似食豆腐花咁, 落d黃沙糖, 都幾好味


comment內附recipe

獲得解禁啦

今日終於順利完成我的考試啦! 其實大半年前已經知道今日考試, 但遲遲都未練習好; 終於要面對問題, 唯有放棄整cake/bread的時間, 專心練習, 希望考試合格。如今雖然未知會否合格, 但起碼係成績未出前, 我要止痕先啦! 實在太耐無整過包包同蛋糕啦, 再咁落去, 我怕會失去興趣呢!

千里送包, 支持考試成功

早兩日同亞堅通過電話, 告知她勁掛念她做的包; 自己亦因為要考試, 都好耐未食過家做的包包 ( 最近只係常幫趁美X)。 誰知她即刻話可以係今日下午拿比我, 並親自拿去我office, 先再返工。當我見到亞堅, 又見到d包包時, 感覺非常掛念這位老朋友 (雖然吾係適了好久, 但由於大家係同行, 講野都可以好直接)。 我返到屋企已經引吾住食了, 特別個薯仔包最好味; 不過最好味就係亞堅一份真誠同送上的溫暖啊!

慶祝萬聖節

今年萬聖節放假, 又咁Q亞爸比了張都會海逸酒店(紅磡)免費兩人自助餐卷我, 梗係選個日去啦! 去到酒店,第一時間留意下個度ge甜品, 樣就OK, 不過大多數好甜 (都吾知點解都係好睇吾好食?) 我真係希望會可以食到一間酒店ge甜品係好好味ga, 你地有無好介紹呢?

公司一日遊

有時係忙碌的工作下, 偶然relax下, 吸下新鮮的空氣, 真係好舒服

每年公司都會有津貼比我地參加遊船河or本地一天遊, 而今年我個隊選擇了本地一天遊。雖然我個隊大約有50人, 不個都係得十零個參加, 加埋家屬都係得26個 (諸士丁都有陪我去)。經過一輪決定, 目的地係我地平時都去到的大尾篤。因為個團有老人家, 大肚婆, 小朋友, 由原本要行山同石級的一段, 都改行船灣淡水湖提霸罷了。 行了差不多一小時, 我地就BBQ喇! 不過個日天氣非常熱, 令到我地勁流汗, 睇怕出年都無人去lu。

同事的生日晚餐

頭盤 (妃露皮焗蟹肉帶 子包)

頭盤 (蜜糖香草醃三文魚柳 沙律)

頭盤 (焗美國珍寶蠔)

頭盤 (燴羊腿柚子沙律)

頭盤 (芒果蝦沙律)

頭盤 (巴馬火腿沙律 水晶卷)

頭盤 (巴西式釀蟹蓋)

今日補祝同事兼好姊妹Joey生日, 我地去了諾士拂台"森巴"食晚餐。呢度ge晚餐有好多款選擇, size亦吾係以大中細做決定,反而係用"水晶, 鑽石, 嘉年華"。好似水晶咁係包3個頭盤,一個主菜, 一個甜品; 鑽石係包2個頭盤, 2個主菜, 一個甜品, 而嘉年華係3個頭盤, 3個主菜,一個甜品。每個都會包餐包, 湯同飲品, 價錢都係由$148起, 相當超值。我愛食,但都係選水晶, 因為已經足夠呢! 因為有人生日,仲即場食到 "焗火焰雪山" (生日蛋糕), yummy yummy!!

同事的生日晚餐 (延續篇)

焗火焰雪山

巴西芝士包 (好味過麵包店)

龍蝦湯

主菜 (香茜燒美國黑豬)

主菜 (海龍皇龍蝦伴墨汁麵)

甜品 (cheese cake)

甜品 (特濃朱古力)

甜品 (法式焦糖布甸)