海洋公園之遊

公司有免費會員海洋公園入場卷一張, 家屬都只收購$100, 小童$50, 不過係夜場兼指定11/11。個日咁Q我放假, 我地一家三口梗係有去啦! 最初我地先去睇熊貓, 好多人去過都話未必睇到, 因為佢地未必出黎, 但今次我地都慶幸能見到安安, 佳佳, 佢比兩年前 (我地兩年前去過) 大了好多。之後就係附近玩灘位遊戲, 大少見到咁幾多軍曹, 梗係想據為己有, 不過最終都係得三個細公仔。跟住我地坐吊車上山上面 (不過大少竟然驚到震, 回程個轉就好好多) 去拿飯盒 (每人包一個熱狗, 4只雞翼, 半條粟米, 一盒檸檬茶)。跟住梗係要去睇水母啦! 起初大少都好興奮, 但後來見其實個個都差吾多, 佢就開始催我地走。 後來, 我地去睇海豚同海獅表演 (加開特別場), 最後去埋兒童王國就離去。