八掛妹-我認為值得紀念的事情

Wednesday, August 30, 2006

網友送給的手信



今日lunch相約一個素未謀面的整包網友,雖然未見過, 但已經聯絡了一段時間,我地日日不停地討論....整包問題。近日係上包包堂時,拍低了d片段,為了拿比他,就相約佢一齊lunch;誰知佢將尋晚整ge南瓜包包,留了一個比我, 仲有一份去旅行時買ge手信-->貝殼蛋糕模,令我有一殺哪驚訝。A_Moon: 多謝,很好味,如你所講,做了我下午ge茶點

Monday, August 28, 2006

芝麻合桃包

出爐時個包面好脆,不過嫌芝麻味吾夠

頭先整了芝麻合桃包,起初搓ge時候都覺濕得jai,後來加返d粉先得

你地覺吾覺似雲石?

Friday, August 25, 2006

椰絲奶油包,椰絲菠蘿包

最底個行,唧到好似熱狗ge係我整ga


未加皮ge椰絲菠蘿包 原來整個皮都好好玩ga,而且刀法都好緊要ga

椰絲菠蘿包出世啦,不過我地覺得個皮吾夠色,但食落都好好味


第五堂啦!今日整椰絲奶油包,椰絲菠蘿包。不過好好笑,d同學見到d椰絲菠蘿包裡面用咁多butter,豬油, 個個都話吾加得吾得,有d話寧可加花生醬,太...heavy。我今日上堂都食了每樣一個,肯定肥到....

Saturday, August 19, 2006

提子南瓜包, 扭紋杏仁條, 吉士忌廉包




尋晚返完第4堂學啦! 不過因為得一個焗爐,有d同學ge包包發酵過龍,食時有d酸味,簡直大失所望。 後來我地反映比校長聽,點知佢無件事 =.= 南瓜包就麻麻地,因為用中國南瓜,吾係好有南瓜味

Friday, August 18, 2006

麥提沙糯米慈



有個同事食過一間甜品店裡ge一種糯米慈, 佢買過一次比我食, 之後問我識吾識? 我抱住試一試ge心態, 點知衰了。不過我係吾會放棄ge, 終於整到啦! haha....就係原粒麥提沙ge糯米慈喇!

Thursday, August 17, 2006

同事的生日蛋糕


今晚我整了個生日蛋糕比個同事 (佢明天生日)。佢指明要new york cheese cake,皆因佢個女係英國返黎,想食我整ge cheese cake,但我諗吾到點decorate個cake,其實比你地會點做呢?

Friday, August 11, 2006

大麥包,小麥包,磨菇粟米牛肉包


上完第三堂包包啦!我放學已經等吾切,即刻食了一個磨菇粟米牛肉包,yummy yummy! 不過吾知係米剛剛出爐,食完即刻喉嚨痛 =.=

Wednesday, August 09, 2006

又一新店 (今次係材料店)



尋日行開深水步西九龍中心5字樓,有間舖頭都有賣包包玩具,而且係我發覺最平一間。最終又買了一套回去啦

Monday, August 07, 2006

花生醬包


今日亞媽放假,吾係我屋企,又係焗爐解禁ge時候; 突然想整包包, 但屋企又無買定材料,唯一有ge係花生醬, 最後就整花生醬包。我怕會乾得滯,加了d練奶撈落d花生醬, 效果都好好,起碼比起就咁將花生醬搽落d方包到,多了種香脆; 因為大少吾食得花生醬,就整了一個香腸包比佢

Sunday, August 06, 2006

整了有史以黎最好味ge蛋糕

今日去了一個包友屋企,學了一款自己都吾信會整ge"dark chocolate dome"。 這個蛋糕係我整比契仔個爸爸生日,於是整完後就趕去佢屋企,估吾到佢地一家三口都讚不絕口,咁q做緊"美女廚房", 問佢地比幾多分,三個都話滿分。 本想食多件,但諗下都係留返比壽星公,另係包友屋企都即場食了。最後係呢度鳴謝主人家熱烈招待,除了有super好味羊脾,仲有美味ge湯同焦糖布甸,兼小朋友仔款待大少得好好。 我地由中午1230到2030,完全覺得好開心。另非常多謝綠萼整ge "薑汁戚風蛋糕",因為知道佢特登漏夜整好,拿去一齊比我地食,真係好美味 ^_^
除了有外在美, 內在美都非常好; 一句講實:外脆內軟

super french bread (1)

super french bread (2)

整了有史以黎最好味ge蛋糕 (延續篇)

( 真面目

當然仲有一同去ge布霖姐姐啦! 我地仲即場切了一個來食 (主人家整);連我ge諸士丁(吾係咁好甜品)都食了一件。



Dark chocolate dome

Saturday, August 05, 2006

麵包精選實習初班第二堂





尋晚上堂學整 "提之方包, 車輪包,吞拿魚包" 終於可以自己搓啦, 不過分5組,每組一舊麵糰,最終會由亞sir將5舊麵糰搓成一舊; 我覺得d提子吾夠。吞拿魚包係由"吞拿魚,粟米粒, 洋荵碎 (先焗一焗,香d), 麵包糠,沙拉醬"製成。

Tuesday, August 01, 2006

牙齒脫落第一記


今日要趕住帶大少去政府牙科睇急症,皆因我以為佢生爆牙 (舊個只門牙O下O下,但新ge一只已經開始生出黎)。未去到診所,大少已經講好驚,怕痛....因為佢知可能要打針先剝到。我唯有出發寶啦!.....就係去玩具店買了樣軍曹玩具比佢,佢先定d喳!=.= 點知個醫生話呢d吾係叫爆牙,遲d就會頂出黎,咁舊個只就自然鬆脫,佢問我咁仲剝吾剝?我見都差吾多鬆,倒不如剝埋。不過係吾須要打針ga,搽d糕係d牙肉到,就可以。當然之後大少就明正言順咁就食了杯大大杯ge雪糕喇 (吾知我細個係米都好想成日剝牙,可以有雪糕食 ^_^)

呢只就係佢第一只脫落ge牙齒

長洲遊



好幾年都無去過長洲喇,尤其是梗加無同諸士丁,大少去過。今次諸士丁三佬係公司抽中3日2夜,一間獨立式度假屋,3間房兼3間toilet (都係$100-HKD),超抵。大少玩得最開心,因為乜都吾駛佢嚦亞麻,仲有人載埋佢; 不過佢係沙灘游水就叫救命叫到....佢話吾同游泳池,d浪太勁喎=.=
可惜因為佢生爆牙,剝去舊個只牙, 要下午兩點返出市區睇急症, 如果吾係我地都留多幾日; 而家只係玩得兩日到 (尋日入去,今朝飲完茶就坐船回市區)